आरोग्य दलिया

दलिया नाव घेतल्या बरोबर गव्हाचा दलिया आपल्या डोळ्यांसमोर येतो. सहा-सात महिन्यांपूर्वी सहज कतुहल म्हणून पतंजलीतून आरोग्य दलिया आणला होता. या दलिया मध्ये गहू, मुगाची डाळ (साली सकट), सम प्रमाणात बाजरी आणि तांदूळ.

साहित्यआरोग्य दलिया २ वाटी, जिरे १/२ चमचे, काळी मिरी १/२ चमचे किंवा १ हिरवी मिरची,तूप (शुद्ध) किंवा तेल १ किंवा २ चमचे, मीठ आवडीनुसार, टमाटर दोन (१०० ग्राम), पाणी ८ वाटी

वैकल्पित साहित्य: कोथिंबीर आणि *भाज्या

कृती : गॅस वर कुकर ठेवावे. १ चमचा तूप घालावे, तूप गरम झाल्यावर त्यात जिरे व काळी मिरी घालावी. नंतर दलिया घालून एक ते दोन मिनिटे तुपावर परतवावा. नंतर पाणी, टमाटर व आवडीनुसार मीठ त्यात घालावे. दोन सीट्या झाल्यावर गॅस बंद करावा. दलिया जर जास्त घट्ट वाटत असेल तर त्यात पाणी घालून पुन्हा एक ते दोन मिनिटे उकळी द्यावी.

टीप: आवडत असेल तर दुधी भोपळा, लाल भोपळा, खीरा, गाजर , तोरी, शिमला मिरची, बंद गोबी, सर्व प्रकारच्या शेंगा यात घालता येतात (दलिया चमच्यांनी खातात म्हणून या भाज्या बारीक चिरून घातल्या पाहिजे). (अर्धा किलो दलियाची किमत ३० रू आहे अर्थात स्वस्त आणि पोष्टिक ही)हा दलिया सर्वाना निश्चितच आवडेल ही अपेक्षा.