एफ डी आई सुंदरी

निळ्या डोळ्यांची, सोनेरी केसांची 

३६-२४-३६ फिगर वाली, 
स्वर्गातली अप्सरा  
एफ डी आई. 

घेउनी कवेत त्याला 
म्हणाली ती कशी.

स्वर्गातील अमुल्य डालर, 

वाहिन तुझ्या चरणी.

पित्जा-बर्गर डॉमिनो, 
अमृताहुनी गोड 

कोक पेप्सी स्वर्गातली
 आणिली मी तुझ्यासाठीच.

सुंदर शोभेल माझा राजा 
घालुनी परिधान वालमार्टी.

फक्त सोपव कि मला 
तुझे मेहनती हात-पाय  

तत्क्षणी   सोपविले त्याने 
आपले हातपाय मेहनती.

डोळे बंद करुनी बघू लागला 
स्वप्ने स्वर्ग सुखांची.

अचानक राक्षसी अट्टाहास 
आसमंतात गुंजला

नव्हती समोर अप्सरा, 
विळखा होता  राक्षसी.

ओरडला, चीत्कारला, 
पण उपयोग नव्हता.

त्याचे रक्त प्राशन करूनी, 
शोधात नव्या  सावजाच्या 

पुढे निघून  गेली 
एफ डी आई राक्षसी 

मित्रानो,  दिसली कधी तुम्हास्नी 

निळ्या डोळ्यांची, सोनेरी केसांची

३६-२४-३६ फिगर वाली, 
एफ डी आई  अप्सरा.

फसू नका तिच्या जाळ्यात,

  गमवू नका हात पायांना

सदा सावधान राहा, सावधान राहा.