स्त्री - काल आणि आज

पूर्वी चार भिंतींमध्ये
जखडलेली स्त्री होती.
रांधा वाढा, उष्टे काढा,
आयुष्य ती जगत होती.
 
कावळा तिला शिवत होता,
चार दिवसांची हक्काची
सुट्टी तिला मिळत होती.
 
स्त्री आज स्वतंत्र आहे,
घराबाहेर पडली आहे.
ऑफिसात जात आहे,
धंदाही पाहत आहे.
 
मुलांना शिकवत आहे,
स्वयंपाकही करीत आहे.
थकलेल्या शरीराने
अहोरात्र खटत आहे.
 
कावळा आज शिवत नाही,
हक्काची चार दिवसांची
सुट्टीही मिळत नाही.