कविता (२) कविता बेदाणे

खरंच! कविता मला समजत नाही
कविता मला उमगत नाही.

कविता बेदाणे, आमच्या कॉलेजात होती
जेव्हां ती हसायची, तिच्या गालात पडायची खळी
आणि माझ्या हृदयात चीर पडायची. 
माझ्या कवितेला द्यायची सदा 'दाद' ती
मला वाटायची प्रेमाची 'साद' ती.

न जाणे देवा! काय पाहिले तिने
मराठीच्या टकल्या प्रोफेसर मधे
जाऊन पडली त्याचा मिठीत ती.

त्याना 'कविता' समजली होती
मला मात्र कळली नव्हती.
की होतो 'कवितेसाठी'
फक्त टाइमपास मी.

म्हणून म्हणतो मित्रानो!
खरंच! कविता मला समजत नाही
कविता मला उमगत नाही.